هويتك أنت، بموبايل زبونك
اسمك وشعارك وألوانك، ومنشور على App Store و Google Play باسم مطعمك. القائمة والأحجام والإضافات والعروض، وعناوين محفوظة، ومتابعة الطلب لحظة بلحظة، وإعادة الطلب بضغطة وحدة.
منظومة طلبات وتوصيل بهوية مطعمك · العراق
مطعمك يستاهل تطبيقه الخاص، مو رفّ بتطبيق غيره.
مطاعم تبني وتشغّل منظومة الطلبات كاملة باسم مطعمك: تطبيق للزبائن بهويتك وألوانك، تطبيق للكباتن، ولوحة تحكم تطبع الطلب في المطبخ مباشرة وتوزّعه على الكباتن. زبائنك يضلّون زبائنك، والربح يبقى عندك.
الدفع عند الاستلام
زين كاش
Wayl
عربي أولاً
شنو تاخذ
أربع قطع، ومصدر واحد للحقيقة
كل شي يحتاجه المطعم حتى يستلم الطلب، يطبخه، يوصّله، ويرجّع الزبون مرة ثانية — ولا شي زيادة.
كل كابتن يعرف بالضبط شنو إله
الكابتن يشوف بس الطلبات المخصصة إله: العنوان على الخريطة، ورقم الزبون، وزر واحد ينقل الطلب من "استلمت" إلى "تم التسليم". والنقد المحصّل يتجمّع طول الدوام، فحساب آخر اليوم ما يصير خلاف.
الطلب يطبع نفسه بالمطبخ
الطلب يوصل للوحة ويُطبع مباشرة على طابعة المطبخ — بدون ما أحد يعيد كتابته. ومن نفس الشاشة تعيّن الكابتن، وتغيّر حالة الطلب، وتدير القائمة والأسعار والأحجام والخصومات، وتعطي كل موظف حساب خاص بيه.
الزبون ما يحتاج يتصل ويسأل
كل تغيير بحالة الطلب يوصل الزبون بإشعار — تم القبول، بالمطبخ، بالطريق، تم التسليم. ونفس القناة توصّل عروضك وخصوماتك الجديدة للناس اللي طلبوا منك قبل، وبروابط تفتح الصنف نفسه مو الصفحة الرئيسية.
الطلب من أوله لآخره
حالة وحدة، وكل الشاشات تشوفها
الطلب يحمل حالة وحدة من إصبع الزبون لحد باب البيت، والزبون يوصله إشعار بكل خطوة منها.
01
pending
تم الطلب
الزبون يأكّد الطلب. اللوحة تنبّه والطلب يُطبع بالمطبخ بنفس الثانية.
02
inProgress
قيد التحضير
تم القبول والتحضير جارٍ. والزبون يشوف الحالة تتحرك بدون ما يتصل بأحد.
03
readyForDelivery
جاهز
جاهز ومغلّف وينتظر. وأنت تختار الكابتن اللي ياخذه.
04
inDelivery
بالطريق
مع الكابتن، على شاشته، بالعنوان ورقم الزبون.
05
delivered
تم التسليم
مقفل ومحسوب — حسب الفرع والساعة وطريقة الدفع.
وهناك مسار سادس، cancelled، متاح دائماً ومسجّل دائماً. وكل طلب مرقّم بنسخة، فما يصير موظفين يعدّلون نفس الطلب من شاشتين ويلغي أحدهم تعديل الثاني بدون ما ينتبه.
مبنية على طريقة العراق بالطلب
التفاصيل المحلية هي الشغلة كلها
المنصات المكتوبة لبلدان ثانية تسألك عن رمز بريدي وبطاقة ائتمان. هذي تسأل عن رقم موبايل ونقطة على الخريطة.
-
الدفعالدفع عند الاستلام، وزين كاش، و Wayl — وحالة الدفع محسوبة لوحدها بعيداً عن حالة الطلب، فالدفع الفاشل ما يظهر أبداً كأنه طلب مسلّم.
-
الدخولرقم موبايل عراقي ورمز لمرة واحدة يوصل واتساب أو رسالة نصية. بدون كلمة سر، وبدون إيميل، وبدون استمارات.
-
اللغةعربي أولاً ومن اليمين لليسار بكل الشاشات، وإنجليزي وين ما يفضّله موظفوك.
-
مناطق التوصيلمناطق التوصيل مرسومة كأشكال حقيقية على الخريطة، وتُفحص لحظة ما يحدد الزبون موقعه — مو تخمين من اسم المنطقة.
مناطق التوصيل
أشكال حقيقية على خريطة حقيقية
هذي بغداد — نهر دجلة، وثلاث مناطق مرسومة بحدودها الحقيقية، مو مربعات على شبكة. ومناطقك تُرسم بنفس الطريقة: تمشي مع الشارع، وتلتف حول الجسر، وتوقف عند حدود المحلة.
كل منطقة إلها أجرة توصيل وأقل مبلغ خاص بيها. ولمن الزبون يحدد موقعه، تُفحص النقطة مقابل الأشكال — إذا داخلها يروح الطلب للفرع اللي يغطيها، وإذا خارجها يعرف قبل ما يملأ سلته، مو بعد ما يرفض الكابتن الطلعة.
اضغط على أي منطقة حتى تقرّبها.
بغداد — مناطق التوصيل
المنطقةالكرادة
أجرة التوصيل٣٬٠٠٠ د.ع
أقل طلب١٠٬٠٠٠ د.ع
الوقت المتوقع٢٥–٣٥ دقيقة
قيم توضيحية — كل مطعم يحدد مناطقه وأجوره.
الإطلاق
من المصافحة لأول طلب
المحرّك موجود ويشتغل من الآن. اللي نبنيه إلك هو الهوية والقائمة والنشر بالمتاجر.
الخطوة ١
استلام الهوية
الاسم والشعار والألوان والفروع وأوقات الدوام ومناطق التوصيل وأجورها. جلسة وحدة، أغلبها مع مديرك.
الخطوة ٢
بناء القائمة
الأقسام بالترتيب اللي تريده، والأصناف بأحجامها وصورها، والعروض اللي تنوي تشغّلها.
الخطوة ٣
النشر باسمك
التطبيقات تُرفع على App Store و Google Play باسم مطعمك، وإحنا نمشي وياك بإجراءات المراجعة.
الخطوة ٤
الانطلاق
الطابعات تُربط بالفرع، والموظفون يتدربون على حساباتهم، وإحنا نراقب وياك طلبات الأسبوع الأول.
عندك سوبرماركت أو سلسلة بقالة؟ نفس المنصة تحمل واجهة سوبرماركت — اسألنا عنها.
جيب لنا قائمتك، ونوريك التطبيق
كلّنا شنو اسم المطعم وكم فرع عنده، ونرجعلك بعرض مبني على قائمتك أنت — مو عرض جاهز لأي أحد.